Ang Pag-akay ng Diyos sa Tao

IceBreaker: Sino sa ngayon ang maituturing mong best friend at bakit.
Text: Lukas 5:1-11, Juan 6:43 Kaya't sinabi ni Jesus, Tigilan ninyo ang inyong bulung-bulungan. 44 Walang makakalapit sa akin malibang akayin siya sa akin ng Ama na nagsugo sa akin. At ang lalapit sa akin ay muli kong bubuhayin sa huling araw.

Intro: Ng sabihin ni Hesus na ang Ama ang naglalapit sa isang tao sa Kanya, hindi ito ngangahulugang may pinipili siyang iligtas sa karamihan kundi may tinitingnan siyang kalalagyan sa puso ng isang tao na Kanyang basehan sa paglalapit kay Hesus. Sa Lukas 5:1-11 makikita natin sa katauhan ni Pedro ang mga kalalagyang ito na siyang dahilan para makamit niya ang pagpapala at buhay na walang hanggan sa piling ng Diyos.

ANO ANG MGA KALALAGAYANG ITO?

1. Handa na siyang ibigay ang kanyang buhay sa Diyos. V.1-3

- Ang bangka ay simbulo ng kabuhayan ni Pedro na ng hiramin ni Hesus ay hindi siya nagatubili ipahiram ito kahit na hindi maganda ang karanasan niya sa buong magdamag na panghuhuli ng isda. Ito ang unang hinahanap ng Diyos sa tao, ang magpasiya ang isang tao na ibigay niya ang kanyang sarili upang maisaayos ng Diyos. Ng ibigay ni Pedro ang kanyang bangka kay Hesus, saka pa lamang ito napuno ng maraming isda. Kapag ang buhay natin ay Diyos na ang nagpapatakbo, saka pa lamang ito nagkakaroon ng tunay na “laman” at kabuluhan.

2. Handa na siyang magpakumbaba sa Diyos. V.4-5

- Ang hadlang sa pagkakilala ng isang tao sa tunay na landas ng buhay ay ang kanyang mga sariling pananaw. Si Pedro ay tumutol kay Hesus ng ito ay utusang pumalaot upang manghuli uli ng isda dahil ang kanyang karanasan ng nagdaang gabi ang kanyang basehan. Ngunit pinili niya ang magpakumbaba at magtiwala kay Hesus at dahil sa kanyang pagpapakumbaba at pagsunod, nakita niya at naranasan ang kapangyarihan ng Diyos.

Pag may argumento ang Diyos at ang puso ng tao, dapat ang Diyos ang laging mananalo.

3. Handa na siyang kalimutan ang nakaraan at sumunod sa Diyos v. 7-11

- Sa kabila ng mga kabiguan nagpasiya si Pedrong kalimutan agad ang kanyang nakaraan at nagpasiyang humakbang sa pananampalataya at pagsunod kay Hesus. Ang pagpapasiyang ito ni Pedro sa kanyang puso ang isa sa laging tinitingnan ng Diyos sa mga tao, ang magpasiyang sumunod at manampalataya. Sa ganitong kalalagayan ng puso labis na natutuwa ang Diyos dahil siya ay napaparangalan at ito din ang daan upang Siya ay malayang makakilos at magpala sa ating buhay.
MGA BAGAY NA DAPAT TANDAAN AT GAWIN

Juan 6:25 Nang makita nila si Jesus sa ibayo ng lawa, siya'y tinanong nila, Guro, kailan pa kayo rito? 26 Sumagot si Jesus, Pakatandaan ninyo: hinahanap ninyo ako, hindi dahil sa mga himalang nakita ninyo, kundi dahil nakakain kayo ng tinapay at nabusog. 27 Huwag ang pagkaing nasisira ang inyong pagsikapang kamtan, kundi ang pagkaing hindi nasisira at nagbibigay ng buhay na walang hanggan. Iyan ang ibibigay sa inyo ng Anak ng Tao, sapagkat siya ang binigyan ng Diyos Ama ng ganitong karapatan. 28 Kaya't siya'y tinanong nila, Ano po ang dapat naming gawin upang aming matupad ang ipinapagawa ng Diyos? 29 Ito ang ipinapagawa sa inyo ng Diyos, sumampalataya kayo sa sinugo niya, tugon ni Jesus.

Malungkot si Hesus kapag ang isang tao ay nakatuon lamang sa materyal na pagpapala sa pagsunod sa Kanya dahil ito ay panandalian lamang ngunit ang makapiling ang Diyos ay pasimula ng pagpapalang walang hanggan.

- Hangarin ang Diyos ng higit sa lahat ng bagay.

- Magpasiya na ibigay sa kanya ang iyong buhay.

- Magtiwala kaysa makipagtalo sa Diyos.

- Lumimot sa nakaraan at magpasiyang humakbang sa isang bagong buhay.

MAKE A STAND FOR GOD (Manindigan para sa Diyos)

IceBreaker: Ano ang higit mong ipinagpapasalamat sa Diyos sa iyong buhay?

Text: Daniel 1:1-17
8 Ngunit “ipinasya ni Daniel sa kanyang puso” na hindi niya durungisan ang kanyang sarili sa pamamagitan ng mga pagkain at alak na galing sa hari.

Intro: Si Daniel ay isang kabataang Israelita na naging bihag sa Babilonia ngunit nagtagumpay sa buhay at nanatiling malalim sa pananampalataya sa Diyos sa kabila ng paganong kapaligiran. Ipinakita ni Daniel ang kahalagahan ng PANININDIGAN PARA SA DIYOS. Ng siya ay isa sa napili na maging lingkod sa palasyo, hindi siya naakit ng marangyang kalalagayan para itakuwil niya ang kanyang pananampalataya. Bahagi ng 3 taong training sa kanila ay ang pagkain ng mga pagkain ng Babylonia na itinuturing ng mga Israelita na bawal. Kung ating titingnan, maliit na bagay lang ang pagkain para hindi sila maunawaan ng Diyos. Pangalawa, sila Daniel ay wala sa sariling bansa para matakot sa paguusig ng mga lider ng Israel at pangatlo, sila naman ay bihag na kung hindi susunod ay mas malamang na kapahamakan pa ang kanilang sasapitin. Ngunit “NAGPASIYA SI DANIEL SA KANYANG PUSO”; nanindigan siya na KAHIT SA MALIIT NA BAGAY gaya ng pagkain ay pararangalan niya ang Diyos at nakamit niya ang PABOR ng Diyos sa kanyang buhay. Magmula noon, si Daniel ay laging mahimalang inililigtas ng Diyos sa lahat ng pagsubok sa buhay; naging prime minister ng Babylonia at ang Diyos ay tumanggap ng matinding papuri sa 2 hari na si Nabucodonosor at King Darius dahil sa kanya.

SA PAANONG PARAAN TAYO MAKAPANININDIGAN PARA SA DIYOS.

1. MANINDIGANG TUMANGGI SA KASALANAN. Daniel 1:8

a. Tandaan, hindi talaga natin kayang labanan ang kasalanan pero kaya nating magpasiya na tumanggi at ang Diyos ang gagawan ng paraan.

b. Ang maagang pagtanggi ni Daniel sa maliit na bagay ay naging daan sa para matanggihan niya ang malalaking pagsubok sa buhay.

c. Tandaang higit na tinitimbang ng Diyos ang pagpapahalaga natin sa maliit na bagay. Huwag balewalain! Ang pagkatiwalaan sa maliit ay saka pa lamang mapagkakatiwalaan sa malaki.

2. MANINDIGAN KAHIT NAGIISA LANG.

a. (Joshua 24:15)

15 At kung ayaw ninyong maglingkod kay Yahweh, pumili kayo ngayon kung sino ang inyong paglilingkuran…Ngunit para sa akin at sa aking sambahayan, sa Diyos kami maglilingkod."

- Si Joshua ay nakaranas manindigang lumaban kahit sa labindalawang espiya ay dalawa lang silang naniniwala na kaya nilang magtagumpay dahil sa Diyos. Hindi siya nabigo at natupad sa Israel ang pangarap ng Diyos na uri ng buhay para sa kanila. Si Joshua ay nakilala sa kaniyang paninindigan na “para sa akin at sa aking sambahayan, kami ay sa Diyos maglilingkod”.

- Natural na bagay ang makaranas tayo ng pangamba kapag ang ating isasagawa ay higit sa ating kakayanan. Tandaan na ang katapangan ay hindi dahil wala kang takot kundi dahil meron kang Diyos. Manindigan kahit nagiisa pero tandaang hindi ka talaga nagiisa; meron kang kasama, ang Diyos.

b. (Isaiah 6:8)
8 At narinig ko ang tinig ni Yahweh na nagsasabi, "Sino ang aking ipadadala? Sino ang magpapahayag para sa atin?" Sumagot ako, "Narito po ako; ako ang inyong isugo!" 9 At sinabi niya, "Humayo ka at sabihin mo sa mga tao…

- Ang panawagang ito ng Diyos ay nananatili hanggang ngayon. Nakahanda ka bang tumugon sa panawagang ito na “tumayo, humayo at manindigan” para sa Diyos. Maraming kaluluwa ang maliligtas dahil sa isang tao na tutugon sa panawagan ng Diyos.

- Hindi tayo dapat magalala sa anomang bagay sa ating buhay dahil, “Nagmamasid si Yahweh sa buong daigdig upang tumulong sa lahat ng tapat sa kanya.” 2 Chronicles 16:9

MGA BAGAY NA DAPAT TANDAAN AT GAWIN

a. Ang paninidigan para sa Diyos ay magsisimula sa isang pagpapasiya sa iyong puso at ikinararangal Niya kapag ito ay iyong ginawa, maliit man ito o malaki.

b. Magpasiyang iwasan ang isang bagay na mali gaano man kaliit ito sa iyong pananaw. Ang nagpasiyang umiwas sa maliit na bagay ay makakaiwas sa malalaking kasalanan.

c. Magpasiyang ialay ang sarili para sa Gawain ng Diyos.

ANG KAGANDAHAN NG PAGSASAKRIPISYO

IceBreaker: Halimabawang ikaw ay nasa barko at dala mo ang lahat ng mahahalagang gamit sa buhay mo, anu ang unang pwede mong itapon kung ito ay iuutos sa iyo?

Text: John 12:24-26, Hebrew 11:24-27

Intro: Marami ang nangangarap na marating ang itaas ng tagumpay dahil nandoon ang popularidad, kalayaan at kapangyarihan. Ang hindi pinapansin ng marami ay ang katotohanang “walang tagumpay kung walang sakripisyo”. Ang salitang sakripisyo ay hindi “pahirap”. Ang ibig sabihin nito ay “alay”; pagaalay o paggi give-up ng bagay na mahalaga sa iyo upang marating mo ang tagumpay.

Si Moses, Abraham, Joseph at iba pa ay mga taong nagsakripisyo ng mga bagay na mahalaga sa kanila, nagsuko ng kanilang mga karapatan upang makamit ang higit na mahalagang nais ng Diyos sa kanilang buhay. At sa kanilang pagsasakripisyo, nakamit nila ang kadakilaan at mga pagpapalang nais ng Diyos na marating nila.

MGA BAGAY NA DAPAT TANDAAN UPANG MARATING ANG ITAAS NG TAGUMPAY

1. GIVE UP TO GO UP

Ang unang nai-give up ni Moses ay ang kalalagayan niya bilang apo ni Faraon. Sabi sa Hebrew 11:24 pinili niya ang mamuhay sa piling ng mahihirap na Israelita maabot lang niya ang nais ng Diyos. Sa John 12:24, pinaalalahanan tayo ni Hesus na ang pamumunga ay magsisimula kung ang binhi ay mamamatay muna. Ito ay prinsipyo ng buhay na itinuturo niya. Hindi pwedeng mamili ang binhi kung gusto niyang mamunga; kailangang maitanim siya at mamatay muna. Ganun din sa ating buhay, bago natin maabot ang itaas ng tagumpay,kailangang igive-up muna natin ang mga kasalukuyang gusto natin na nagiging hadlang para maasikaso natin ang higit na mahalaga.

2. GIVE UP TO GROW UP

Kasabay ng pagtatagumpay ang maraming asikasuhin. Simula sa pagiging pastol naging lider si Moses ng buong Israel. Ito ang bunga ng kanyang ipinagpalit na kalalagayan sa Ehipto. Ngunit habang pinangungunahan niya ang Israel kinakailangan pa niyang “mas ibigay” ang buo niyang sarili para magtagumpay siya bilang lider ng Israel. Maramingbeses na gusto na niyang sumuko dahl sa katigasan ng ulo ng Israel ngunit pinili niya ang magtiiis at iadjust ang ugali mapakitunguhan lang ang bayan ng Diyos.

Ganun din tayo. Ang mga unang iginive-up natin sa ating buhay ay pasimula pa lamang ng ating pagaalay para magtagumpay. Patuloy nating iaadjust ang ating mga pagkatao sa mga situwasyong dumarating sa atin. Kung merong magiging dahilan ng ating pagbagsak ay paghindi natin natutunan ang makibagay sa mga bagong situwasyon na ating nararansan. Kailangang tayo ay mag grow dahil ang lahat ng bagay sa buhay na ito ay lagging nagbabago.


3. GIVE UP TO STAY UP

Hindi natatapos ang pagsasakripisyo sa buhay. Kagaya ng eroplano kinakailangang manatiling nagbubuga siya ng panggatong o fuel upang patuloy na lumipad. Tandaan natin na “sa bawat bagay na nakakamit ay merong nagiging kapalit”. Huwag nating isipin na tayo ay magpapahinga na pagnarating ang itaas ng tagumpay.

ANG TATLONG BAGAY NA ITO AY BATAS NG BUHAY NA NANATILI

1. GIVE UP TO GO UP –MAGSAKRIPISYO PARA UMASENSO

2. GIVE UP TO GROW UP- MAGSAKRIPISYO AT MAGBAGO NG PAGKATAO

3. GIVE UP TO STAY UP- LAGING ISIPIN HABANG BUHAY ANG MAGSAKRIPISYO


PAANO MAGKAKAROON NG MALUWAG NA KALOOBAN SA PAGSASAKRIPISYO?

1. Tandaan na “may kapanahunan para sa lahat ng bagay” Ecclesiaste 3. Anuman ang pinagtitiisan mo ngayon laging isipin na ang panahon ng pagpapala ay darating din.

2. Pagaralang magpahalaga sa kapuwa. Ang masyadong pagpapahalaga sa sarili ang dahilan ng mahirap na pakiramdam sa pagsasakripisyo sa kapuwa.

3. Gawing ugali ang pagbibigay. Ito ang pinakadabest na pampaluwag sa mga "tikom ng kamay".

4. Pagaralang maenjoy ang mga ariarian at pagaralang huwag higpitan ang paghawak sa mga iyon. (kagaya ng asawa ni Lot na hidi maiwan ang mga ariarian)

5. Tanawin ng malalim na ang pagpapala ay mula sa Diyos at hindi sa iyo.

6. Panatilihin nakatuon ang iyong pananaw sa mga bagay na walang hanggan. (Maintain eternal perspective)

ONE VERSE EVANGELISM GUIDE

PAPAANO MAGSHARE NG SALVATION GAMIT ANG ONE VERSE NA ROMANS 6:23

CELL DYNAMICS: PANO MAGHANDLE NG CELL GROUP

ANO ANG GOAL NG CELL GROUP MEETING?

24And let us consider how we may spur one another on toward love and good deeds. 25Let us not give up meeting together, as some are in the habit of doing, but let us encourage one another--and all the more as you see the Day approaching. -Hebrews 10:24-25

-ang layunin ay mahikayat ang bawat isa na mamuhay sa pagmamahal sa kapuwa, sa paggawa ng kabutihan at magpalakasan sa isa't-isa.

ANO ANG DAPAT SIKAPIN NG CELL LEADER HABANG NAGCE-CELL GROUP?

- Sikapin niyang mapanatili ang "best mood atmosphere" sa kanyang cell group. Kapag ito ay napanatili ng cell leader, babalik-balikan ng mga attendees ang iyong cell meeting ngunit kung mabigo kang mapanatili ito, maaalala niyang walang kakwenta-kwenta ang kanyang napuntahan at mahihirapan ka na sa susunod na hikayatin siya.

PAANO ITO MAGAGAWA?
- may apat na bahagi ang cell group meeting na dapat niyang laging isagawa at dapat na malinaw at buhay sa kaniya ang layuning nito.


ANG APAT NA BAHAGI NG CELL GROUP MEETING AT ANO ANG IBIG SABIHIN NITO.


1. ICE BREAKER STAGE - 10 minutes
    Ang layunin nito ay "maikonekta ang tao sa tao". Tandaan na sa umpisa ng meeting ang mga bagong dating na attendees ay disoriented pa at may kani-kaniyang iniisip. Ang ice breaker ay pwedeng isang katanungang itatanong kahit kanino at walang tama o maling kasagutan. Sa pamamamagitan nito maisesentro mo ang pansin ng lahat ng tao sa cell meeting.

2. WORSHIP TIME STAGE -10 minutes
     Ang layunin nito ay "ikonekta ang tao sa Diyos". Matapos maisentro ng cell leader ang kaisipan ng lahat ng attendees, sikapin naman niya na maituon ang isip ng tao sa kabutian ng Diyos. Umawit ng isa o dalawang worship song at dapat buhay na buhay ang espiritu ng magpapaawit. Isunod dito ang "saglit na opening prayer".

3. EDIFICATION STAGE -20 to 30 minutes
    Ang layunin nito ay "ikonekta ang Diyos sa tao". Tandaan na hindi ito panahon ng Bible Study. Huwag maging layunin ang basta magturo ng mga doktrina mula sa Bible. Ito ay oras upang tugunan ng Salita ng Diyos ang anumang kabigatan o pangangailangan sa buhay ng isang attendees.
Saan kukuha ng ise-share sa cell group meeting?
Una, pwedeng kumuha ang isang cell leader sa Sunday preaching ng pastor.
Pangalawa, sikapin ng cell leader na laging dumalaw sa cell group members upang malaman niya ang kalalagayan nila at ayon sa kanilang pangangailangan ay doon ka kukuha ng ideyang ituturo sa kanila.

Maging sensitibo sa Holy Spirit ang bawat isa sa oras ng edification stage. Minsan dito ginagamit ng Holy Spirit ang mga spiritual gifts ng bawat isa upang magminister sa pangangailang ng kahit sino sa meeting na ginagawa.

4. SHARE THE VISION STAGE -10 min
    Layunin ng bahaging ito na "maikonekta ang mananampalataya sa hindi mananampalataya". Dapat ifocus ng cell leader ang kaisipan ng believer sa kanilang calling bilang isang Christian, sa kanilang bahagi para mamunga ang cell group vision at sa katungkulan ng believer na abutin ang mga taong wala pa sa Panginoon.

Paalala: Huwag "ma-tempt" na pabayaang may makaligtaang gawin sa apat na stages na ito. ang kabiguang gawin ang isang bahagi ay magiging kabiguan sa buong miting. Pagbasta nagshare lang ng salita ng Diyos at disoriented ang tao, babagsak ang "best mood atmosphere" ng meeting.
Sunding mabuti ang mga instructions at isapusong mabuti ang objective ng bawat stage upang maging malinaw sa cell leader ang kanyang ginagawa.

VIGILANCE: PAGIGING HANDA AT MAPAGBANTAY

Ice Breaker: Kung bibigyan ka ng pagkakataong makabalik sa iyong nakaraan, saang bahagi ka babalik at bakit.


Worship Time:

Text: Gideon 6, 1 Cor 16:3
Maging handa kayo at magpakatatag sa inyong pananampalataya. Maging matapang kayo at magpakatibay, 14 at ang lahat ng ginagawa ninyo'y gawin ninyo nang may pagmamahal.


Layunin:

• Maipakita sa mga mananampalataya ang kahalagahan ng pagiging handa at mapagbantay.

• Makita ang ilang bahagi na dapat bantayan sa ating buhay.

Intro:
May kasabihan sa Ingles na “Action speaks louder than words”. Ibig sabihin, mas makikilala mo ng higit ang isang tao sa kanyang kilos at gawa at hindi sa kanyang mga sinasalita. Ng pumili ang Diyos ng sundalong ipadadala niya sa labanan, pinahalagahan niya ang pagiging "vigilant" o mapagbantay kaysa katapangan lamang. Sa pamamagitan lamang ng kilos, pinili ng Diyos sa mga sundalo ni Gideon ang katangiang hinahanap niya. Ng bigyan ng pagkakataong makainom sa ilog ang mga sundalo, ang karamihan ay agad na sumubsob sa tubig para matugunan ang kanilang uhaw kahit na manganib ang kanilang kalalagayan. Samantalang 300 sa kanila ang hindi basta sumubsob kundi nagtiyagang uminom sa palad na parang aso huwag lang masalisihan ng kaaway. Sa ipinakita nilang ito, sila ang pinili ng Diyos. Ipinakita sa atin ng Diyos sa pamamagitan ng istoryang ito na hindi sapat ang tapang para magtagumpay sa anumang larangan sa buhay, higit nating  kailangan ang laging maging handa at mapagbantay sa buhay.

SAAN-SAAN TAYO TINAGUBILINANG MAGING MAPAGBANTAY?


1. MAGING MAPAGBANTAY SA KAAWAY.

8 Maging HANDA kayo at MAGBANTAY. Ang diyablo, ang kaaway ninyo ay parang leong umaatungal at aali-aligid na naghahanap ng masisila.-1 Peter 5:8

- Itinuturo ng Diyos na mayroon tayong kaaway na hindi nakikita at walang tigil sa paghahanap ng masisila. Ang kaaway ay tuso at kalimitang umaatake sa atin sa mga panahong hindi tayo handa.

2. MAGING MAPAGBANTAY SA KALALAGAYAN NG ATING PUSO.

 Bantayan mo ang iyong puso ng buong sikap sapagkat ito ay bukal ng puso mong tinataglay.-Kawikaan 4:23
- Ang laman ng ating puso ang nagdidikta ng ating pananaw sa buhay. Kung maganda ang laman ng ating puso magiging maganda ang pananaw sa ating buhay ngunit kung ang laman nito ay mga negatibong bagay, magigigng madilim ang ating pananaw sa buhay

 At sinabi niya sa kanila, Mangagmasid kayo, at kayo'y mangagingat sa lahat ng kasakiman: sapagka't ang buhay ng tao ay hindi sa kasaganaan ng mga bagay na tinatangkilik niya.-Lukas 12:15
- Sa tekstong ito, puno ng kasakiman ang puso ng magkapatid kaya't sila ay nagaaway. Sa kanilang pananaw, ang kasaganaan sa mga materyal na bagay ang magdadala ng kasiyahan sa buhay kaya't dahil dito hindi na nila napapansin ang pagsam ng kanilang pagkatao.
- Ang ating mata, tainga at pandamdam ang daanan ng lahat ng pumupunta sa puso kaya sikapin nating ingatan na mabuting bagay lamang ang pahintulutang pumasok sa ating puso.


3. MAGING MAPAGBANTAY SA ATING PANANAMPALATAYA.

…mga kapatid, dapat kayong mag-ingat upang huwag kayong mailigaw ng mga taong walang sinusunod na batas. Sa gayon, hindi kayo matitinag sa inyong mabuting kalagayan. 18 Magpatuloy kayong lumago sa kagandahang-loob at sa pagkakilala sa ating Panginoon at Tagapagligtas na si Jesu-Cristo.-2Pedro3:17

-Layunin ni Satanas na ipahamak ang buhay ng lahat ng tao, kayat gagawa siya ng paraan upang ang pagtitiwala ng tao sa Diyos ay mawala. Maging ang mga taong nagbabasa ng salita ng Diyos ay kanyang pinagaaway-away at nilalagyan ng maling katuruan ang kanilang kaisipan. Dito ipinayo ni Pedro na sa halip na magpakadalubhasa sa mga kung anu-anong katuruan, magsikap ang isang mananampalataya na lumalim sa pagkakilala sa biyaya at kagandahang loob ni Hesus. Si Hesus ay ginawang tagapagligtas ng Diyos. Nais ng Ama na kilalanin mo sa iyong buhay na minsan ipinagkaloob ni Jesus ang kanyang buhay bilang kabayaran ng iyong kasalanan. Matapos mong kilalanin ang kanyang pagliligtas, simulan mo ng gawing Panginon Siya ng iyong buhay. Dito naipapakita ng isang tao ang kanyang pagiging mananampalataya dahil simula ng kilalanin niya si Hesus na tagapagligtas, nagsimula na siyang mamuhay sa pagsunod sa Kanya sa kabutihan at umiiwas na siya sa anumang kasamaan.

MGA DAPAT NA GAWIN:

-MAHALAGA ANG MATAPANG NGUNIT DAPAT SAMAHAN NG PAGIGING MAPAGBANTAY.

-SURIIN SA IYONG BUHAY KUNG SAANG BAHAGI KA NAKAKALIMOT MAGBANTAY DAHIL IYAN ANG DADAANAN NG KAAWAY UPANG IKAW AY KANYANG IBAGSAK.

Pamumuhay sa Pananampalataya at Katapangan

IceBreaker: Kung biglang mangusap ang Diyos sa iyo at pahintulutan kang humiling ng isang bagay sa Kanya, ano ang iyong hihilingin at bakit?

Worship Time: 10-15 min

Text: Joshua 7:1-9 …9Tandaan mo ang bilin ko: Magpakatatag ka at lakasan mo ang iyong loob. Huwag kang matatakot o mawawalan ng pag-asa sapagkat akong si Yahweh, na iyong Diyos, ay kasama mo saan ka man magpunta."

Objective:

• Layunin ng cell leader na mabigyang diin sa mananampalataya na ang katapangan at pagtitiwala sa Diyos ay pangunahin at pinakamahalaga sa lahat ng katangian na magiging dahilan ng katagumpayan.

Intro: Ang pagkatakot ay isang emosyon na nararanasan ng sinumang tao kapag may isang bagay na nagbabanta sa kanya na hindi niya kayang kontrolin. Kaya minsan, dahil sa pagkatakot, ang isang tao ay nakagagawa ng bagay na hindi tama na lalong ikinapapahamak niya. Kaya higit sa lahat ng katangian, gusto ng Diyos na tayo ay maging matapang. Magagawa ito ng isang mananampalataya dahil may Diyos na nagmamalasakit sa kanya. Si Joshua ay isang taong nagtagumpay dahil sa humakbang siya sa pagtitiwala sa Diyos. Pinili niya ang magpakatapang at magtiwala kaya't napagtagumpayan niya ang madaming labanan.

Ano ang matutunan natin sa kanyang buhay?

1. Kailangang magtiwala tayo sa mga pangako ng Diyos. (V3)

PAANO TAYO MAKAPANGHAHAWAKAN SA MGA PANGAKO NG DIYOS?

a. Ang Diyos para siya ay ating pagtiwalaan ay nagpapakita muna sa atin ng kanyang kapangyarihan. Nagpakita muna ng himala ang Diyos sa mga Israelita bago sila inalis sa Ehipto. Ang kanyang kapangyarihan ay ipinakita muna niya sa atin ng tayo ay iligtas niya sa pamamagitan ni Hesus. Tandaan na hindi tayo hahanapan ng Diyos ng pananampalataya kung hindi muna natin nasaksihan ang Kanyang kapangyarihan.

b. Mapagkakatiwalaan ang kanyang karakter; Siya ay TAPAT. Ang katapatan Niya ay ating lalong napapatunayan habang tayo ay patuloy na susunod sa Kaniya anuman ang situwasyong nasa ating harapan.

2. Kailangang dumepende lagi sa kapangyarihan at presensiya ng Diyos. (v5)

Ang Diyos ay laging nangangako na “hindi niya tayo iiwan o pababayaan”. Ito ay Kanyang sinasabi simula pa kay Abraham, Moses at David. Ang ating katapangan ay magmumula sa kaisipang may isang makapangyarihang nagmamalasakit sa atin at may kakayanang magtagumpay sa lahat ng bagay.

3. Kailangang humakbang ng may katapangan at sundin ang Diyos. (v6-9)

Sabi ni John Maxwell, “Ang katapangan ay paghakbang sa pananampalataya kahit kinakabahan”.

 TANDAAN NA ANG KATAPANGAN AY HINDI NANGANGAHULUGAN NG “KAWALAN NG KABA” KUNDI PAGPAPATULOY KAHIT MAY KABA.

TAYO AY INUUTUSAN NG DIYOS NA MAGPAKATAPANG DAHIL:

a. Tayo ay modelo ng pananampalatayang gagayahan ng ibang tao. (v6)
b. Ang ating katapangan ay tulay sa pagiging masunurin sa Diyos. (V7)
c. Ang pagkaduwag ay magiging dahilan ng pagsuway ng marami at pagkasira ng plano ng Diyos sa ating buhay. (v9)

MGA DAPAT TANDAAN AT GAWIN
Joshua 1:7-8 Basta't magpakatatag ka at lakasan mo ang iyong loob. Sundin mong mabuti ang buong Kautusang ibinigay sa inyo ni Moises. Huwag kang susuway sa anumang nakasaad doon, at magtatagumpay ka saan ka man magpunta.8Huwag mong kaliligtaang basahin ang aklat ng kautusan. Pagbulay-bulayan mo iyon araw at gabi upang matupad mo ang lahat ng nakasaad doon. Sa ganoon, magiging masagana at matagumpay ang iyong pamumuhay.

1. Ang katapangan ng mananampalataya ay nagmumula sa malalim na pagkakilala sa kapangyarihan at katapatan ng Diyos. 
2. Ang matapat na pagsunod naman sa mga kalooban ng Diyos ang susi sa patuloy na paglalim ng ating pagkakilala sa ating Diyos.
3. Ang masikap na pagsasagawa naman ng tungkuling magbasa at magbulay ng salita ng Diyos ang magiging daan para magaang nating matupad ang lahat ng kanyang tagubilin.

CONSECRATION, ANG PAGTATALAGA NG SARILI PARA SA DIYOS

IceBreaker: Kung bibigyan ka ng kapangyarihan, ano ang una mong gagawin at bakit?

Text: Joshua 7:13

Go, consecrate the people. Tell them, `Consecrate yourselves in preparation for tomorrow; for this is what the LORD, the God of Israel, says: That which is devoted is among you, O Israel. You cannot stand against your enemies until you remove it.

Objective:

• Layunin ng cell leader na maipaliwanag ang kahulugan ng Consecration.

• Layunin ding maituro ang bahagi ng mananampalataya para maitalaga Niya ang kanyang sarili sa Diyos.

Intro: Matapos ang matagumpay na paglusob ng mga Israelita sa Jericho, ikinagulat ng labis ni Joshua ang kanilang mabilis na pagkatalo sa maliit na tribo ng Ai. Ang dahilan, sinuway nila ang Diyos na huwag kukuha ng anumang bagay na iniutos Niyang wasakin nila. Mataas ang pamantayan ng Diyos sa Kanyang mga kawal at ang isang bahagi nito ay ang makitang “nakatalaga” ang sarili niya para sa Diyos. Kailangan ng Diyos ang matinding dedication at devotion ng isang kawal upang matagumpay Niyang maisagawa ang Kanyang mga plano.

1. ANO ANG KAHULUGAN NG CONSECRATION?

- Ang ibig sabihin nito ay, ihiwalay mo ang iyong sarili sa masama, bumaling ka sa Diyos at italaga mo ang iyong sarili para maglingkod sa Kanya. Ang Consecration at Holiness ay may pagkakahalintulad. Ang consecration ay ang proseso samantalang ang holiness ay ang status o kalalagayan ng nakatalaga.

- Sa Lumang Tipan, para ang isang tao ay ituring na consecrated o holy, kinakailangan sumunod siya sa seremonya ng paglilinis at pagkatapos ay ang pagsunod sa mga kautusan ni Moises.

- Sa Bagong Tipan, ang isang tao ay itinuturing ng malinis kapag kinilala niya ang pagtubos na ginawa ni Jesus at pagkatapos ay kailangan niyang ipakita sa kanyang buhay na siya ay “nakatalaga” na sa Diyos sa pamamagitan ng pagiwas sa masama. Pinagkalooban din siya ng Banal na Espiritu na siyang gabay at kapangyarihan para masunod niya ang Diyos.

2. ANG KAHALAGAHAN NG CONSECRATION

- Ang Romans 12:1-3 ay isang panawagan ng Diyos sa “pagtatalaga”.

- V1-Sinasabi ng talatang ito na ito ang “tunay na pagsambang” hinahanap ng Diyos sa atin at hindi basta pagkanta.

- V2-hindi sapat na tayo ay “ma-inform” sa kung anu ang masama at mabuti. Gusto Niya na tayo ay “huwag magconform” (huwag umayon) sa masama kundi “ma-transform” o mabago. Ang pagbabago ay magaganap sa atin kapag nagpasiya tayo na “italaga o i-consecrate” an gating buhay sa Diyos.

- V3- Maraming buhay ang nagugulo dahil sa kawalan ng standard na sinusunod sa buhay. Hindi alam ng marami kung ano talaga ang tamang gawin sa buhay. Pag nakaconsecrate na ang buhay natin sa Diyos malalaman natin ng malinaw ang kalooban ng Diyos na siyang tunay na daan ng buhay. Meron na tayong focus at ito ang magdadala ng pagpapala sa ating buhay.

3. ANG DALAWANG BUNGA NA PALATANDAAN NG TUNAY NA NAKATALAGA SA DIYOS

a. Makikita sa kaniya ang Bunga ng Banal na Espiritu – Ang bunga ng Espiritu ay mga magagandang karakter na makikita sa buhay ng isang tunay na “consecrated” sa Diyos. Dahil sa kaniyang pagsunod sa Diyos uusbong ang mga ito sa kaniyang buhay at kagigiliwan siya ng mga tao.(Gal 5:22)

b. Ang pangalawang bunga na makikita sa kanya ay “souls” o mga kaluluwa. Kung paanong ang santol ay magbubunga ng santol, ganun din na ang Christian ay magbubunga din ng Christian. Ang unang bunga ay pagsisikap ng Banal na Espiritu sa iyong buhay at ang pangalawang bunga ay pagsisikap mo sa buhay ng ibang tao.

MGA DAPAT TANDAAN AT GAWIN

Ang “consecration” ay isang desisyon na dapat isagawa kaagad dahil ito ang daan ng katagumpayan at pagpapala sa buhay. Muli tayong lumapit sa Diyos at ibukas ang ating mga sarili sa Kaniya. Sapat na ang mga nagdaang panahon na tayo ay namuhay sa ating mga sariling kagustuhan at kapamaraanan. Ito na ang panahon na tayo ay tunay na magtalaga ng ating sarili para sa Kanya upang maranasan natin ang mapagpala at makapagpala din ng ibang buhay.

John 15:8This is to my Father's glory, that you bear much fruit, showing yourselves to be my disciples.14You are my friends if you do what I command…16You did not choose me, but I chose you and appointed you to go and bear fruit--fruit that will last. Then the Father will give you whatever you ask in my name.

TATLONG YUGTO SA BUHAY NG ISANG MANANAMPALATAYA

Ice Breaker: Kung paiinumin ka ng gamut para mabuhay ka ng 1000 taon, iinumin mo ba? Bakit?

Text: Efeso 2:10 Sapagkat tayo'y nilalang ng Diyos; nilikha sa pamamagitan ni Cristo Jesus upang iukol natin ang ating buhay sa paggawa ng mabuti. Iyan ang layuning pinili ng Diyos para sa atin noong una pa man.

Objective:

• Layunin ng cell leader na maipakita sa mga mananampalataya ang 3 yugto o stages ng buhay na nais ng Diyos na malagpasan niya.
• Layunin din na maipakita na plano ng Diyos na tayo ay maging instrumento sa buhay ng iba.

Intro: May kasabihan na ang isang tao ay turuan mong mangisda kaysa bigyan lang ng isda. Ang buhay natin ay higit na mapapagpala kapag natutunan natin na alamin ang mga kapamaraanan ng Diyos sa buhay at ang Kanyang plano sa pagtawag sa atin.

1. ANG TAO AY INAABOT NG DIYOS SA PAMAMAGITAN NG BIYAYA AT PAGPAPALA

- Dapat nating tandaan na ang isang mananampalataya ay inabot ng Diyos sa pamamagitan ng biyaya at   pagpapala.

a. Ano ang sinasabi maging sa kaligtasan ng isang believer? Efeso 2:8-9 “Sa biyaya tayo ay naligtas hindi dahil sa mabuting gawa.”

b. Bakit biyaya? Ano ang sinasabi ng 1 Jn 4:9 “Tayo ay natutong umibig sa Diyos dahil una niya tayong inibig.” Maging sa pagibig Diyos muna ang nagpadama sa atin.

c. Paano tayo inaalagaan sa umpisa ng Diyos? 1 Pedro 2:2 Gaya ng sanggol, kayo'y manabik sa dalisay na gatas na espirituwal upang lumago kayo sa pananampalataya hanggang makamtan ninyo ang ganap na kaligtasan, 3 sapagkat sinasabi sa kasulatan, "Naranasan na ninyo ang kabutihan ng Panginoon." – katulad ng isang sanggol hindi tayo hinahanapan sa umpisa ng paglilingkod kundi binubusog muna tayo at pinalalakas.


2. ITUTURO NG DIYOS ANG DAAN SA BUHAY NA PINAGPALA

- Ano sabi ni Hesus sa mga taong sunod ng sunod sa Kanya? John 6:26 Sumagot si Jesus, Pakatandaan ninyo: hinahanap ninyo ako, hindi dahil sa mga himalang nakita ninyo, kundi dahil nakakain kayo ng tinapay at nabusog. Huwag ang pagkaing nasisira ang inyong pagsikapang kamtan, kundi ang pagkaing hindi nasisira at nagbibigay ng buhay na walang hanggan.

- Katulad ng kasabihan ng iba, “Hindi sapat na ang isang tao ay bigyan mo lang ng isda kundi turuan mo siyang mangisda.”

- Matapos nating maranasan ang mapagpala ng Diyos, ang susunod nating sikapin ay makilala Siya ng husto. Ang Diyos ay hindi basta abot ng abot ng pagpapala sa tao. Tuturuan niya tayong alamin at isagawa ang Kanyang mga kapamaraanan upang mapagpala ang ating buhay.


3. ITINUTURO SA TAO ANG LAYUNIN AT PLANO NG DIYOS NA NAGPALA

- Ano ang layunin ng nagpala sa ating buhay? Efeso 2:14-22

(Basahin ang teksto at ipaliwanag na ang layunin ng Diyos ay mailapit ang lahat ng tao sa Diyos sa pamamagitan ni Hesus. Kaya nga ang utos ng Diyos sa Mateo 28:19-20 ay abutin natin ang ibang tao upang sila man ay mapagpala ang buhay.)

DAPAT TANDAAN AT GAWIN:

ITO ANG GINAGAWA SA ATIN NG DIYOS; UNA AY PINAGPALA, PANGALAWA AY TINUTURUANG SUMUNOD SA SALITA UPANG PATULOY NA MAPAGPALA AT PANGATLO AY MAGPLANO NA MAGPALA NG BUHAY NG IBA. SIKAPIN NATING MAKAGRADUATE SA BAWAT YUGTO NG BUHAY KRISTIYANO AT MAABOT ANG IBANG KALULUWA.

!!! MAGISIP NG MGA TAONG AABUTIN MO SA MGA SUSUNOD NA ARAW; IPINALANGIN AT BAHAGINAN NG MABUTING BALITA.